Goierriko Hitza

ORDIZIA

2008-09-20 | 20:30:02

Ordiziak galdu egin du etxean Santurtziren kontra

Joko hobea egin arren, ezin izan zuten markagailua berdindu

Ordiziak ezin izan du punturik urratu, gaur arratsaldean Altamiran jokatu duen partidan. 6. minturako aurrea hartu dute santurtziarrek, eta Ordiziak ezin izan dio errenta horri buelta eman. Partida hobea jokatu dute urdinek; hala ere, ez dute bigarren zatian izandako gol aukerak aprobetxatzen jakin. Hurrengo partida etxetik kanpo jokatuko dute, Amurrioren kontra.

Ez du erantzunik

Goierri

2008-09-19 | 20:42:43

"Estatuaren jazarpena salatzeko" manifestazio jendetsua egin dute Ordizian

Ehunka lagunek erantzun diote ezker abertzaleak egindako deiari

Goierriko ezker abertzaleko hainbat ordezkarik egindako deiari erantzunez, ehunka lagun bildu dira Ordiziako kaleetan. Aste honetan Espainiako Auzitegi Gorenak AAMren eta EAE-ANVren kontra hartutako erabakiak salatu nahi izan dituzte protesta honekin. "Euskal Herriak askatasuna behar du" lema zeraman pankartaren atzean, Ordiziako plazatik abiatu eta herria zeharkatu zuten ehundik gora lagunek. Ezker Abertzaleko ordezkariek azaldu zutenez, «estatuaren jazarpena salatzen eta elkartasuna eskaintzen» segiko dute aurrerantzean ere.

6 erantzun

Goierri

2008-09-19 | 10:07:39

AAMren kontrako epaiketa salatzeko mobilizazioak deitu dituzte gaurko

Iluntzeko 20:00etan manifestazioa egingo dute Ordiziako kaleetan

Egunotan AAMren eta EAE-ANVren kontra epaitegietan hartutako erabakiak salatzeko, mobilizazioak deitu dituzte gaur iluntzerako. Goierriko ezker abertzaleko hainbat ordezkarik agerraldia egin zuten atzo; euren hitzetan, "hilabete hauetan ikusitako zirkoa, epai politiko bati apaindu juridikoa emateko saiakera besterik ez da izan". Hau dela eta, "Euskal Herriak bizi duen salbuespen egoerari amaiera emateko asmoz", eskualde mailako manifestazioa egingo dute gaur iluntzeko 20:00etan, Ordiziako plaza nagusitik abiatuta. Goierritarrei manifestazioan eta aurrerantzean deituko dituzten mobilizazioetan parte hartzeko deia egin diete.

2 erantzun

LAZKAO

2008-09-19 | 09:57:23

Lazkaoko Areria kulturguneak ostegunean irekiko ditu ateak

Inaugurazio ofizialaz gain, bisitaldiak eta jaialdi bat ere antolatu dituzte

Bi urteko eraikuntza lanen ondoren, ateak irekitzeko prest dago Lazkaoko Areria kulturgunea. 358 lagunentzako tokia duen antzokia eta dantza zein musika ikasteko aretoak izango ditu eraikin berriak. Datorren ostegunean egingo dute inaugurazio ekitaldi ofiziala. Arratsaldean berriz, herritarrek eraikina barrutik ikusteko aukera izango dute. Ostiralean, herriko kultur talde ezberdinek osatutako jaialdia eskainiko dute.

• Inauguraziorako ekitaldien egitaraua
• Areria kulturgunearen datuak

Ez du erantzunik

ORDIZIA

2008-09-18 | 13:25:23

Urrian hasiko dituzte Ordiziako San Joan auzoko urbanizazio lanak

Datozen urteetan 572 etxebizitza inguru egingo dituzte auzo horretan, horietatik 415 babes ofizialekoak

Urriaren bigarren hamabostaldian hasiko dituzte Ordiziako San Joan auzoko urbanizazio proiektuaren lehen bi faseak. Bi fase horiek esleitu ditu dagoeneko Udalak. Urbanizazioaren %70 egingo dute bi fase horietan. Lur-sailak prestatzeko behar diren lur-mugimenduak eta eustormak egingo dituzte, baita saneamendu, ur-hornidura, argindarra, gasa eta telekomunikazio azpiegiturak ere. Gainerako urbanizazioa, %30a, beste zazpi fasetan egingo dute. Urbanizazio proiektu osoaren aurrekontua 10 milioi euro ingurukoa da.

2 erantzun

Goierri

2008-09-17 | 19:37:48

Jesus Iturbe enpresariak Korta Saria jaso du

Industrian egindako ibilbidea saritu dio Eusko Jaurlaritzak

Jesus Iturbe enpresariak Korta Saria jaso zuen atzo Gasteizen. Eusko Jaurlaritzak ematen duen sariketan industrian nabarmendu diren enpresarien lana goratzea du helburu. Iturbek Egumendi enpresa sortu zuen 1973an, Felix Urzelairekin batera.

Ez du erantzunik

ZUMARRAGA

2008-09-17 | 15:28:05

PSE-EEk EArekin osatu du udal gobernu berria Zumarragan

EB-Berdeak taldearekin osatutako aurreko gobernua apurtutzat eman zuen atzo EBko Ropero zinegotziak osoko bilkuraren aurretik

Udal gobernu berria osatu dute Zumarragan PSE-EEk eta EAk. Aurrerantzean gobernu batzar berria edukiko du udalak, kide hauek osatua: Fernando Fariñas (PSE-EE), Ricardo Lozano (PSE-EE), Arantxa Gonzalez (PSE-EE), Eduardo Navarro (PSE-EE) eta Ikerne Badiola (EA).

Ez du erantzunik

Goierri

2008-09-17 | 11:08:13

Irastortza baldintzapean aske uzteko eta Olano berehala espetxeratzeko agindu du Auzitegi Nazionaleko fiskaltzak

Olanori 10 urte kartzela zigorra jarri dio Espainiako Auzitegi Nazionalak eta 8 urtekoa Irastortzari

Amnistiaren Aldeko Mugimenduaren aurkako auzian epaitu eta zortzi urteko kartzela jarri dioten Ainhoa Irastortza ordiziarra baldintzapean aske uzteko agindu du Espainiako Auzitegi Nazionaleko fiskalburu Javier Zaragozak. Lehen ere lau urtean preso egona da Irastortza auzi beragatik. Joan Mari Olano gaintzarra, berriz, berehalako espetxeratzeko agindu du Zaragoza fiskalburuak, "ihes egiteko arriskua" dagoela argudiatuta.

7 erantzun