Goierriko Hitza

IDIAZABAL

2008-11-06 | 13:11:13

Etxegarate eta Etxegarai gazta marken erabilera galarazi dute

Izen horiek erabiltzea kontsumitzaileak nahastu ditzakeela erabaki du patenteen bulegoak

Amuni enpresak ezin izango ditu Etxegarate eta Etxegarai izenarekin etiketatu gaztak. Espainiako patenteen bulegoaren arabera, marka horiek kontsumitzaileak nahastea eragin dezake. Idiazabal herria Idiazabal Jatorri Izendapenak edo sor-markak babesten duen eremuan dagoela gogoratu du, eta adierazi du Etxegarate Idiazabalen dagoenez, produktua hangoa dela pentsa dezaketela kontsumitzaileek.

Ez du erantzunik

URRETXU

2008-11-05 | 15:18:19

Lasak Asperekin akordioa lortu du datorren urterako

Pilotari urretxuarrak enpresa eibartarrean jokatuko du datozen hiru urteetan.

Hiru urte eta gero apirilean amaituko du Frontisekin duen kontratua Aritz Lasa pilotari urretxuarrak eta ordutik aurrera hiru urtez Aspen aritzeko akordioa lortu du. "Pozik" agertu da urretxuarra "zein maila eman dezakedan ikusteko" gogoz. Hala ere, oraindik 5 hilabeteko kontratua duela dio, eta amaitu arte "gauzak ahalik eta ondoen" egiten jarraituko duela.

Erantzun 1

SEGURA

2008-11-05 | 12:48:30

Idiazabal-Zegama bitartean bidegorria eraikitzeko hurrengo urratsa Seguran egingo du Foru Aldundiak

Madurako zatia eta Idiazabal-Segura lotuko ditu 300 metroko bidegorri berriak

Goierriko bidegorri sarea luzatzeko beste obra bat gauzatuko du Gipuzkoako Foru Aldundiak 2009an. Seguran eraikiko dute txirrindularientzat bide zati berria, gaur egun eginda eta erabilgarri dauden beste bi zati lotzeko. Segurako Maduran (egina) eta Idiazabal-Segura bitartekoa (egina) lotuko ditu 300 metroko bidegorri berriak. Horrez gain, 2009an Segura-Mutiloa (2,5 km) bidegorria egiteko asmoa ere badu Diputazioak.

Ez du erantzunik

BEASAIN

2008-11-04 | 16:54:51

Lazkaoko eta Gabiriako bi baserritarrek irabazi dute XX. errezil sagar, barazki eta fruitu lehiaketa

Altune baserriko Maria Jesus Mujika eta Agerre baserriko Maria Etxezarreta izan dira garaile

XX. errezil sagar eta fruitu-barazkien lehiaketa egin dute gaur Beasainen. Errezil sagarrei dagokionean Lazkaoko Altune baserriko Maria Jesus Mujikak lortu du lehen postua eta Arriaran auzoko Ondarre baserriko Maria Luisa Urrestarazu izan da bigarren. Fruitu eta barazki lehiaketan, berriz, Gabiriako Agerre baserriko Maria Etxezarreta izan da garaile. Lazkaoko Mujikak berak lortu du bigarren saria.

Ez du erantzunik

LEGORRETA

2008-11-04 | 16:44:05

Etorkinentzako harrera etxea jarriko du Foru Aldundiak Legorretan

Gain-Eder etxea erosi du Aldundiak, eta 10 gazte hartuko dituzte bertan

Gipuzkoako Foru Aldundiak etorkin gazteentzako harrera etxea jarriko du Legorretan. Datorren astetik aurrera iritsiko dira aurreneko gazteak Gain-Eder etxean egokituko duten zentrora. Haseran, bi gazte ekarriko dituzte, baina denera, hamar lagun hartuko ditu zentro berriak. Legorretako alderdi politikoek eta hainbat elkartek, eurak "etorkinen integrazioaren alde" badaude ere, Aldundiaren proiektuarekiko desadostasuna erakutsi dute.

• «Etorkinen etorrerarekin baino, Foru Aldundiak etorkinekin daraman politikarekin ditugu desadostasunak»

4 erantzun

ORDIZIA

2008-11-04 | 16:34:35

Arte plastikoak sustatzeko Goiart IV. sariketarako lanak abenduko lehen hamabostaldian jasoko dituzte

Bi urtez behin antolatzen du sariketa hori Udaleko Kultura sailak, eta «sortzaileak eta sormena sustatzea» du helburu

Bueltan da berriz Goiart arte plastikoen sariketa. Orain sei urte, 2002an, antolatu zuen aurrenekoz sariketa hori Ordiziako Udaleko Kultura sailak, eta harrezkero, asko eta asko izan dira Barrena kultur etxetik pasa diren artista eta artelanak. Goiart 2008-Ordizia Saria da sariketaren izen ofiziala, eta bertara aurkeztu ahal izateko oinarriak kaleratu dituzte dagoeneko. Abenduko lehen hamabostaldian aurkeztu behar dituzte lanak artistek, eta lan horiekin guztiekin erakusketa jarriko dute Eguberrietako hamabost egunetan.

Ez du erantzunik

LEGAZPI

2008-11-04 | 12:15:24

Josu Zabaletak Euskadi literatura saria jasoko du, itzulpegintza alorrean

Bufalinoren 'Gaueko gezurrak' eleberria euskaratu izana sarituko diote legazpiarrari

Euskadi Literatura Sarietan Josu Zabaletak (Legazpi, 1948) jasoko du sarietako bat, itzulpegintzari dagokiona. Eusko Jaurlaritzaren sariketan "Gaueko gezurrak" (Alberdania-Elkar, 2007) eleberria euskaratzeak merezi izan dio Zabaleta idazle legazpiarrari Euskadi Saria. Berarekin batera Jokin Muñoz izendatu dute beste sari baterako, euskarazko eleberriaren alorrekoa. Azaroaren bukaeran jasoko dituzte aurtengo Euskadi Sariak idazleek, Gasteizen. Zabaletak, saritua izango dela jakindakoan, lankideei eskerrak eman dizkie, "itzulpengintza lan bakartia ez" dela nabarmenduz.

Ez du erantzunik

SEGURA

2008-11-03 | 18:02:52

Literatur tertuliak egingo dituzte Seguran irakurzaletasuna bultzatzeko

Sei lagunek eman dute izena eta abenduan egingo dute lehen tertulia; interesa duenak izena eman dezake oraindik

Seguran Piztu!, euskaldunon kontzientzia piztu arazteko kanpainaren barruan, Literatur Tertuliak egingo dituzte. Helburuak, herritarren irakurzaletasuna sustatzea eta bide batez, euskarazko liburuak kontsumitzea dira. Aitor Calvillo Segurako EBPNaren kudeatzaileak esan duenez, sei lagunek eman dute izena eta taldea jada osatuta dago. Abenduan egingo dute lehendabiziko tertulia. Dena den, ekimen horretan parte hartzeko interesa duenak oraindik ere eman dezake izena, Calvillori 649 01 12 62 telefono zenbakira deituta.

Ez du erantzunik