Goierriko Hitza

Aurtengo urtearen lehenengo sei hilabeteetan zaborraren eta birziklatzeko gaien 62 edukiontzi erre dituzte Goierrin. Aurreko urteetatik «nabarmen» igo dira erreketa kasuak, Sasietatik adierazi dutenez. «Ganberrokerian» egindako erreketak direla argitu dute Mankomunitatetik, eta sute gehienak asteburuetan gertatzen dira, ostiral eta larunbat gauena. Azkeneko kasua asteburu honetan izan da, Ordizian.

Erreketa gehienak Ordizian eta Beasainen izan dira, nahiz eta Goierri osoan gertatu diren; eta asteburuetako gauetan gehienbat. Sasietaren datuen arabera, 62 edukiontzietatik 21 Ordizian erre dituzte urtarriletik ekainera (%34), eta beste 17 Beasainen. Bi herri horietakoak ziren erretako 10 kontainerretik sei.

Gehienak papera biltzeko edukiontzi urdinak dira, 27; zabor arruntarenak 16, plastikoenak 9, beirarenak 9, eta

Sasietaren kalkuluen arabera 60.000 eurotik gora gastatu dira sei hilabetean erretako edukiontzien ordezkoak jartzen bakarrik. «Horri garbiketa orduak, peoien, kamioien eta langileen lan orduen kostua gehitu behar zaio», adierazi dute mankomunitatetik.