Goierriko Hitza

Zumarragako Faustino Orbegozo udal geriatrikoan dauden adinekoak gerontologiko berrira aldatzen ostegunean bertan hasiko dira, Gipuzkoako Foru Aldunditik adierazi dutenez. «Aldaketa pausoz pauso egingo da, eta gutxienez bi egun eramango ditu. Lehenengo gaur egungo geriatrikoan daudenekin hasiko gara, grebaren ondorioz Lazkaora lekualdatzea eskatu zutenekin ere bai, eta ondoren itxaron-zerrendan daudenen txanda hasiko da», zehaztu dute.

Zumarragako Ospitalaren ondoan dago gerontologikoa, Argixao egoitza du izena, eta 110 pertsonarentzako lekua du. Logela guztiak banakakoak dira eta kanpoaldera ematen dute. Zerbitzua eguneko 24 orduetan eta urteko 365 egunetan emango dute. Egoitzaren eremua hainbat modulutan zatituta dago, eta adinekoak egoeraren arabera sailkatuko dituzte.
Psikogeriatriako 30 toki zango ditu, hau da, dementzia arazoak eta portaeran desorekaren bat duten adinekoentzat zerbitzu berezia.
2006ko urriaren 25ean jarri zuten gerontologikoaren lehen harria. ?7.443.030 euro kostatu da, eta Gerozerlan enpresak kudeatuko du zerbitzua hurrengo 40 urtetan.