Goierriko Hitza

ZALDIBIA

2009-07-03 | 13:36:08

Zaldibiako Ezker Abertzalearen ustez «arduragabekeria galanta» da udala Aldundiaren esku uztea

«Herriarekiko konpromisoa» berretsi eta lanean jarraitzeko asmoa azaldu dute

Zaldibiako Udalean dituzten karguak uzteko Aralarrek hartutako erabakiaren aurrean, Ezker Abertzaleak «lanean jarraitzeko prestutasuna eta determinazio osoa» duela azaldu du, eguerdian egindako agerraldian. Aralarrek hartutako erabakia «arduragabekeria galanta» dela salatu dute, «Zaldibiako herriaren etorkizuna Zaldibiatik kanpora» erabakiko baita hemendik aurrera. Honen aurrean azaldu dutenez, «ez dugu onartuko Zaldibiako udal kudeaketa kanpotik burutzea».

Ez du erantzunik

ORDIZIA

2009-07-03 | 12:22:22

San Jose egoitzako langileek greban segiko dute irailaren 15a arte

Ordiziako alkate Jose Migel Santamariak langileen aldarrikapenak negoziatzeari uko egiten jarraitzen duela diote

San Jose egoitzan Eulen enpresaren kontratupean lanean ari diren langileen batzarrak irailaren 15a arte greban jarraitzea erabaki du. ELA sindikatuak eta Euleneko langileek salatu dutenez, Jose Migel Santamaria Ordiziako alkateak uko egiten die langileen aldarrikapenak negoziatzeari. «Alkatearekin edukitako azken bileran esan zigun berdin zitzaiola greban egon edo ez egon. Bost axola zaio 50 emakume diskriminatzea eta dirudienez, bost axola zaio baita ere ze egoeratan dauden egoitzako egoiliarrak. Alkatearentzat garrantzitsuena akordiorik ez egiteko Diputazioak emandako agindua betetzea da».

Ez du erantzunik

BEASAIN

2009-07-03 | 11:47:43

104 urteko Margarita Telleria beasaindarra hil da

Margarita Telleria Gurrutxaga, Beasainen bizi zen gabiriarra, atzo hil zen 104 urte zituela. Joan den astelehenean bete zituen Telleriak 104 urte, eta Patxi Plazola alkatea eta Malu Valles zinegotzia joan zitzaizkion etxera zoriontzera lore sorta batekin. Telleria pozik zegoen bere urtebetetze egunean eta etxera zoriontzera joan zitzaizkion denei eskerrak eman zizkien.

Ez du erantzunik

Goierri

2009-07-03 | 10:13:06

Presoen argazkiak kentzeko agindua zabaltzen ari da

Zumarragako txosnetako oholtzako pankarta kendu du Ertzaintzak, eta Ordiziako gaztetxera ere joan dira

Euskal presoen argazkiak kentzeko agindua zabaltzen ari da. Atzo arratsaldean, 15:00ak aldera, Zumarragako Santa Ixabel jaiak direla eta txosna gunean dagoen oholtzatik euskal presoen argazkiak zituen pankarta kendu eta zaborretara bota zuten ertzainek. Ordiziako gaztetxera atzo goizean, 08:00etan, joan zen Ertzaintza, eta atarian dauden herriko presoen argazkiak kentzeko mehatsua egin zuen.

2 erantzun

Goierri

2009-07-02 | 19:45:54

Goierri eta Sakana bailarak senidetu egingo dira uztailaren 12an

Bi eskualdeetako udal agintariek harreman instituzionalak eta sektorialak estutu nahi dituzte

Goierri Behearen eta Sakanaren (Nafarroa) arteko harremanetan aurrerapausoa eman nahi dute bi bailaretako udalek. Uztailaren 12an Aralarko San Migelen (Nafarroa) ospatuko den senidetze ekitaldiarekin loturak indartu eta elkarlana bultzatu nahi dute. Gaur egin dute ekimenaren aurkezpena Zegaman, bi bailaretako hainbat alkate bertan zirela. Goierri beheko 18 udalek eta Sakanako 15ek sinatuko dute senidetze agiria.

Ez du erantzunik