| « 'Jainkoaren Partikula'-ren bila | New-clear edo Old-dirty? » |
2008/09/09
Teoria Konspiratiboak
Aspaldi oso alpertuta nabil.
Hilabeteak dira libururik irakurtzen ez dudala, musika berririk entzuten ez dudala, pelikularik osorik ikusten ez dudala… Ez dakit, gorputzak ez dit eskatzen.
Beno, hasi naiz berriz ere liburu interesgarriak dendetan ikustean ‘katxondo’ xamar jartzen, baina oraindik ez naiz indarrez sentitzen… Erabat alpertuta nabil. Ez dakit.
Sportacus eta Stephanie, behar zaituztet!!
Hori dela eta, dokumentalak ikusiz hasi dut iraila.
Bai, dokumentalak, esfortzu handiegirik gabe sartzen dira begietatik, motzak izaten dira, eta informazioa ematen dute (eta nik nire burua informazio adiktotzat dut egia esan :-)
Baina gustokoen ditudan dokumentalak ‘TEORIA KONSPIRATIBOEN’ ingurukoak izaten dira.
Badakizue, ovni-en ingurukoak, masoi eta juduek mundua kontrolatzen dutela diotenak, gizakia ilargira ez dela iritxi baieztatzen dutenak, 11-M ko atentatua ETA-ren kontua izan zela diotenak eta 11-S koa Estatu Batuetako Gobernuak antolatua…
(oso interesgarria da adibidez 11-Saren inguruko Loose Change dokumentala, hemen ikusgai)
Noski, ez ditut gauza guztiak sinesten, baina ‘bertsio ofiziala‘-z gain dauden beste ikuspuntuak ezagutzea ere gustatzen zait. Ez dakit, astakeria asko entzuten badira ere garunerako osasuntsua dela iruditzen zait ‘beste‘-aren paperean sartzea, nolabait esatearren.
Beno, ba ikusi dudan azkena kotxe elektrikoen ingurukoa da.
Izan ere, orain aste pare bat edo powerpoint bat iritxi zitzaidan kotxe elektrikoak orain hamar bat urte jada existitzen zirela esanez, baina auto industria beraren, gobernu estatubatuarraren eta petroleo jabeen interesengatik kendu zituztela esanez…
eta beno, ba interneten begira honako dokumental interesgarri hau topatu nuen.
Ez dut interneten gai honen inguruan askoz gehiago sakondu, baina dokumental hau bere horretan interesgarria dela iruditzen zait.
Hona hemen ingelesezko trailerra.
Eta film osoa gaztelerazko azpitituluez berriz, hementxe sakatuz.
Permalink-a2 erantzun
Darwinen ametsgaiztoa edo Darwin's nightmare ere asko gustatu zitzaidan, eta baita Life and Debt jamaikaren ingurukoa...
Bestela gustoko ditut baitere jendeari buruzko dokumental biografikoak. Bukowskiren Born into this adibidez, edo Gaudiren bat (ez dut izenburua gogoratzen).
Film dokumentaltzat ezin dira hartu, baina pelikula musikatuak ere interesgarriak dira ez baduzu gidoia jarraitzeko gogo askorik edo besterik gabe, zerbait berezia ikustea nahi baduzu. Pink Floyden The Wall adibidez niri asko gustatu zitzaidan, eta beste adibide bat jartzearren The Whoren Tommy esango nizuke, nahiz eta gehiago egon.
Kotxe elektrikoaren inguruan zerbait entzun dut, eta lotura gordeta utzi dut, egunen batean ikusteko. Aio!
Ondoren, dokumental batzuetarako estekak ipini ditut:
- Zeitgeist: http://video.google.es/videoplay?docid=8883910961351786332
- La Corporación: http://video.google.com/videoplay?docid=-9007907615315517199
- Taxi al lado oscuro: http://video.google.es/videoplay?docid=-4201462036537312385
- La pesadilla de Darwin : http://video.google.com/videoplay?docid=7058686949150175373&hl=es
eta http://video.google.com/videoplay?docid=3311383533188664817
- Life an Debt: http://video.google.com/videoplay?docid=-5277094596195828118
On egin!
Erantzun jarioa artikulu honentzakoErantzun
