Goierriko Hitza

Lanak aurreikusita bezala badoaz, datorren urteko udaberrian bukatu ditu Ikengu enpresak Ordiziako Oianguko aisialdi guneko proiektuko obrak. Hala adierazi zuen atzo Iñaki Aierbe Ikenguko ordezkariak. Aurtengo martxorako golf praktikarako zelaia eta zerbitzuetako eraikinari dagozkion instalazioak bukatu nahi dituzte, eta urrirako eraiki nahi dute hotel-jatetxea eta haren urbanizazioa.

Jose Migel Santamaria Ordiziako alkatea, Koro Garmendia Eusko Jaurlaritzako Turismo sailburuordea eta Angel Arostegi Gipuzkoako Foru Aldundiko Kanpo Ekintza eta Turismo zuzendaria izan zituen lagun Aierbek atzo Delikatuz zentroan egin zuten aurkezpenean. Udal, foru eta gobernu agintariek «eredugarritzat» jo zuten proiektua, «kirola eta turismoa» uztartzen dituelako.

Basquetour Euskal Turismo Agentziako zuzendari Mercedes Rodriguez, eta Goierriko hainbat alkate eta hautetsi ere izan ziren aurkezpenean.

Hotelaren premia

Oiangurengo lur-sailetan egiten ari diren proiektuak parke publiko horren «elementu naturalak balioan jartzea» du helburu, Santamariaren esanetan. «Guretzako mugak gainditzen dituen proiektua da, eta seguru nago eta gaude, onuragarria izango dela gure herriarentzat, Goierri, Gipuzkoa eta Euskal Herri guztiarentzat». Oianguko proiektuak «kirola eta turismoari loturiko jarduerak» hartuko ditu, eta eskualdean dagoen «eskaintza aberastuko» du. Parkeak «publikoa eta irekia» izaten segituko duela gogorazi zuen Santamariak, eta proiektu berriarekin udalerriak dituen «jatetxe eta ostatu eskaintzaren gabezia» beteko dituela. «Aspaldian faltan botatzen genuen hotel bat izango dugu».

Aierbek gaineratu zuen Ordizia dela Goierrin «hotel eta lotarako lekurik ez duen» herri bakarra, eta horrelako azpiegitura baten premia beti sumatu dutela. Hala ere, Oianguk «aukera gehiago» zeuzkalako, eta horiek «baliatu» behar zirela ikusita, aurkeztu zuten Oiangurako proiektua orain hiru urte. «Turismoarekin lotuko dugun kirola ez da golfa bakarrik izango. Krosak ere egin daitezke bertan, eta kultura aldetik musikarekin ere zerbait egin daiteke».

Publizitate iragarkia

Segundo eskas batzuk irauten duen Zure mundua zaintzen du izeneko publizitate iragarkia ere aurkeztu zuen Aierbek.

Hiru fase

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.