Edukira joan

Goierriko Hitza

Goierri
2009ko urtarrilak 9, Ostirala

Harpidetu zaitez!

Iazkoa XXI. mendeko urterik hotzena izan da 2005. urtearekin batera

Legazpi

1946tik Legazpin dagoen metereologia zentroan egunero biltzen ditu eguraldiaren datuak Alonso Francesek.

miriam luki

XXI. mendea hasi zenetik, 2005. urtearekin batera, bataz besteko tenperatura hotzenak iaz izan ziren. Halaxe bildu du Alonso Francesek Legazpin dagoen metereologia zentroan. Euritan 526 litro gehiago bota zituen, udazken lehorra izan arren. Datu horiek eta gehiago bildu ditu Francesek.

Zero graduren azpitik 28 egunetan egin zuen behera termometroak 2007an; 30 gradutik gora, berriz, 15 egunetan pasatu zen.

Udaberri euritsua

1.579,30 litro bota zituen euritan iaz. Egunik euritsuena martxoaren 7a izan zen. Aurreko urteetan azaroa eta martxoa izan ziren hilabeterik euritsuenak; iaz, ordea, udaberria euritsua izan zen, eta udazkena lehorra. Azaroan ez zuen euri gehigirik egin aurreko urteekin alderatuta. 197 egunetan egin zuen euria Legazpin.

Lainoa, maiatzean

Elurra zazpi egunetan bota zuen, 2006an baino hiru egun gehiagotan. Txingorra ere sei egunetan egin zuen, aurreko urteetan baino gehiago.

Ekaitzak 26 egunetan izan ziren eta lainoa lau egunetan, guztiak maiatzean. Izan ere, maiatza lainoaren hilabetea da.

Meteorologia zentroan Alonso Francesek jasotzen duen beste datu bat ihintzarena da: iaz 74 egunetan izan zen.



 


«Egunero egiten ditut irakurketak»

alonso frances ð- Meteorologia zentroko arduraduna

m. luki



Espainiako Metereologia Instituto Nazionalak 1946. urtean jarri zuen Legazpin eguraldiaren datuak jasotzeko zentroa. Alonso Francesek (Legazpi, 1966) datuak jasotzeko ardura 1996an hartu zuen bere gain. Udal aparejadorea ere bada Frances.

Non dago meteorologia zentroa?

1946an jarri zutenean gaur egun Aiztonaga industrialdea dagoen tokian jarri zuten, eta orain Goenagan dago.

Nor hasi zen datuak biltzen?

Patrizio Etxeberriaren lantegiko Felix Castañares langileak egiten zituen irakurketak, lehen Patrizio Etxeberriarenak ziren pabilioietako terraza batean.

Noiz hasi zinen zu?

1995ean Castañares erretiratu zenean udaleko zinegotzia zen aldi berean. Orduan Udalari bertako langileren batek ardura hori hartzea eskaini zion.

Zein lan eskatzen dizkizu ardura horrek?

Egunero joatean naiz irakurketak egitera, urteko egun bat ere utzi gabe. Udan goizeko hamarretan eta neguan bederatzietan. Insititutu Nazionalaren kolaboratzaileak gara, eta urtero 300 euro ordaintzen dizkigu.

Oporrik ez orduan?

Oporrak hartzen ditudanean anaia joaten da.

Gustukoa al duzu?

Hasieran lantxo bat bezala hartu nuen. Denborarekin, ordea, jakin-mina piztu zait eta nolabaiteko jarraipena egiten diet datuei. Espainiara datuak bidaltzeaz gain, nire aldetik ere txostenak egiten ditut orain.





Zenbakia



197

Euria. 197 egunetan egin zuen euria 2007an, Legazpin.



 


 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa