Goierriko Hitza

Otsailean hasi eta ia bi hilabetez luzatu den Martxoan bertsoa zikloaren seigarren ekinaldiari aurreko larunbatean eman zitzaion amaiera, Gaztelekun ospatutako bertso musikatuen emanaldiarekin. Hitzaldiak, ikastaroak, herriko bertsolari txapelketa, bertso afaria, Gu ta Gutarrak taldearen ikuskizuna, Hitzen lapurra izeneko bertsotxongiloak, emakumezkoen bertso eta pilota saioa, eta beste hainbat ekintza izan dira aurtengo ziklo emankorreko protagonistak.

Baina zikloa amaitu izanak ez du esan nahi Bertso Eskolako jarduna gutxituko denik. «Herrian ez da bertsozaletasunaren presentzia murriztuko hemendik udako oporretara bitartean. Datozen hilabeteotan, Gipuzkoako eta inguruetako herri arteko txapelketan parte hartuko dugu, GR-16 deritzan ekimenean, hain zuzen. Aurten Orio, Orereta eta Lesakarekin lehiatuko dira gure ordezkariak hurrengo faserako txartelaren bila», diote eskolako arduradunek. Bestetik, gaztetxoen bertso eskolan ere ekitaldi dezente izango dituzte ikasturtea amaitu bitartean.

Txapelketak abian

Apirilean Gipuzkoako bertso eskolen egunean parte hartuko dute Urretxu-Zumarragakoek, eta maiatzean eskolarteko txapelketan parte hartzeko ordua helduko zaie, urtero bezala.

Bestalde, herriko hainbat jaitan eta ospakizunetan bertso eskolako kideen bertsoak izango dira entzungai.

Zikloari dagokionez, zer egin den ikusteko eta gogoratzeko aukera dago bertso eskolaren webgunean, www.zubertsotan.net helbidean.

Larunbateko agur ekitaldian, bertso eskolako kideez gain, herriko musikariak aritu ziren, eta antolatzaileek eskerrik beroenak eman nahi dizkie emanaldian aritutako musikari eta teknikariei: «Jon Goenaga, Aitor Areizaga, Gorka Lasa, Asier Alkorta, Asier Ormazabal eta Amaia Aranaga, besteak beste, baita Gaztelekuko lagunei ere, bertso eskolari emandako laguntzagatik eta prestaturiko afari goxoagatik».

Emanaldian denetariko sortak izan ziren entzungai, zenbaitzuk doinu klasikoak oinarri hartuta sortuak, eta beste hainbat kantari ezagunen abestiei letra aldatuz moldatuak. Zumarragako eta Urretxuko udalek eta udal langileek emandako laguntza ere eskertu nahi izan dute antolatzaileek.

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.