Goierriko Hitza

Musika ðð Etxeetan musika eskola partikularrak ematen zituzten bost irakasleren ekimenez sortu zen orain mende laurden Ordiziako Musika Eskola. Bilakaera oparoa izango du harrezkero.

Sortze eta antolatze garaiak ziren haiek. Ordura arte, etxeak eta etxabeak ziren musika irakasleen eta ikasleen bilguneak, bakoitza bere kasa. Musika eskola partikularrak ematen zituzten bost irakasleek bat egin eta indarra egiteko unea ailegatu zela ikusi zuten. «Bostok bildu ginen, eta musika arloan aritzen ziren beste taldeengana (musika banda, errondaila...) jo genuen. Udaletxera joan ginen denok, eta esan genien musikaren arloan zerbait antolatua nahi genuela. Ondo iruditu zitzaien gure proposamena, eta Barrena jauregiaren azken solairua utzi ziguten».

Ordiziako Musika Eskolaren egungo zuzendari Mertxe Munduatek (Ordizia, 1958) hala gogoratzen ditu hasiera haiek. Pixkanaka gero eta irakasle gehiago biltzen hasi ziren Musika Eskolara, baita ikasleak ere. «Gero eta gehiago etortzen ziren, eta matrikula zabaltzea erabaki genuen. Dena hazten hasi zen. Pentsa, bost hasi ginen, eta gaur egun, administraria sartuta, hogei irakasle gaude».

Hainbat musikariren harrobi

Hasiera haietako matrikulazio datuak esku artean ditu Munduatek. 1984-85 ikasturtean 409 matrikula egin ziren Ordiziako Musika Eskolan, eta hamalau diziplina irakasten zituzten. Harrezkero, beti, goranzko joera izan du. 2007-08 ikasturtean, esaterako, 670 matrikula egin dira, eta 23 diziplina irakasten dituzte. Guztira 468 ikasle daude.

Gizaldi laurden horretan ehunka izan dira Barrenako ganbaratik igaro diren ikasleak, Ordiziakoak izan ala ez. Batzuk kantuan dabiltza munduan barrena, beste batzuk musikari profesionalak bihurtu dira, eta badaude beste leku batzuetan irakasle moduan ari direnak. «Musikaren mundua Ordizian sustraitzea lortu dugula uste dut, eta gazteak ilusio handiarekin etortzen dira. Harrobia egin dugu eta egiten segiko dugu», zehaztu du Munduatek.

Ez Ordizian bakarrik

Orain urte batzuk Musika Eskola Goierriko beste zenbait herritara hedatu zuten. Idiazabalen, Zaldibian eta Legorretan eskolak ematen dituzte, eta aurten Itsasondon hasi dira. Urte horietan guztietan egindako lanaren ordaina jasotzen ari dira orain, eta musika doinuak adituz ospatuko dute.

zenbakia

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.