Edukira joan

Goierriko Hitza

Goierri
2008ko azaroak 20, Osteguna

Harpidetu zaitez!

Urretxuko Arau Subsidiario berriak «aurki» aurkeztuko dituztela esan du alkateak

Urretxu

EAri erantzunez «herria geldirik ez» dagoela esan dute; bestalde, orain arte egindakoaren berri ere eman nahi izan dute.

miriam luki

Urretxuko udal gobernuak agerraldia egin du udal jardunaren berri emateko. EAk «herria geldi» dagoela adierazi eta gero, Iñaki Zabala alkateak erantzun du «geldituta aurreko legealdian onartutako arauak» daudela, «herrirako onartezinak zirela uste izan genuelako. Gure arauak amaitzear daude eta aurki emango diegu herritarrei haien berri».

Agerraldia EAren salaketaren testuinguruan eta baita ezker abertzalea gobernuan dagoen herrietan PSE-EEk eta EAJk aurkeztutako mozioen harira egin zuten. «Galdutako gobernu esparruak berreskuratu edota ezker abertzalea udaletatik kanpo uzteko saiakerak dira hain zuzen», esan zuen Gorka Garmendia zinegotziak.

Alkateak egindakoaren berri eman zuen. «Arauak sei hilabetean amaituta egongo zirela esan nuen, eta epea luzatu beharrean izan gara atera berri den Zoruaren Legearekin bat etor daitezen. Euskal Herriko lehenengo herrien artean egongo gara horretan».

Aurrekontuak hurrengoan

Ikastolako proiektua azken fasean dagoela jakinarazi du. 2008rako udal aurrekontuak onartu gabe daude oraindik Urretxun, eta gobernuak hurrengo osoko bilkurara eramango dituela iragarri du.

Legealdia hasi zenetik egindakoen artean, zirkulazioa ordenatu, tabernen funtzionamendua arautu, eta Urretxu eta Zumarragaren arteko kolaborazioa sustatu direla gogoratu du Zabalak. Udalaren barneko kudeaketa hobetzeko lanean ari direla ere azaldu du.



 


arau sudsidiarioen berritasunak, besteak beste



Etxebizitza. Gazteentzako alokairuko eta babeseko etxebizitza beharrak aztertu eta arau berrietan txertatu dituzte.

Irimo. Mugikortasuna eta irisgarritasunari lehentasuna emanez, Irimo industriguneko berreraketa eta bertan kalitatezko auzo berri bat sortuko dute.

Urretxu-Zumarraga Ikastola. Ikastola eta Lizeoa uztartuko dituen proiektua Ikastolari helarazi diote jada. Proiektu horri jarraiki gaur egun dagoen tokian geldituko litzateke ikastetxea. Estalitako frontoia, futbol eta saskibaloi zelaiak eta zirkulazio eta irisgarritasun arazoei irtenbidea emango dien proiektua da.

Kirol azpiegitura berriak. Egun udal igerilekua dagoen tokian kiroldegi berria kokatuko dute.

Lizeoa. Garaialde Lizeoa dagoen gunean etxebizitzak, lur azpiko aparkalekua, gainazaleko kirol gunea, erabilera anitzeko frontoi estalia, kultur eta gizarte eragileentzako azpiegitura berriak, aisialdirako gunea, haur eskola berria eta adinekoen egoitza berria.

Lur azpiko aparkalekua. Barrenkaleko idi probalekuaren azpian.

Dentsitate baxuko etxebizitzak. Elizalderen jarraian.

Zirkulazioa. Ordenazio berria.

Industrigune berriak. Egun dagoen lurzoru kopurua gaindituz.

Santa Barbara. Aisialdi gunea zabaltzea aurreikuko dute arauek.





 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa