Goierriko Hitza

Egun asko daramatzate festan beasaindarrek, baina indarrak atera eta gaurko azken egunari gogotsu heldu nahi diote.

Gaur Iturengo Aurtizko zanpantzarrek esnatuko dituzte herritarrak. Askok ohetik jaiki beharrik ez dute izango, artean oraindik izarapean sartu gabe egongo baitira, atzoko parranda egun handia bukatu nahi ezta; askok topo egingo dute zanpantzarrekin.

Beasaingo jaietan erakusleihorik dotoreena nork eduki duen jakin ahal izango da. Eguerdiko hamabietan Bareak dendari elkartean banatuko diote saria irabazleari.

Eguneko protagonistak ordea, Beasaingo Dantza Topaketa eta Herri Kirol Jaialdia izango dira. Eta horrenbestez, bi ekitaldi horiek burututa agurtuko dituzte Loinatz jaiak datorren urtera arte.

Atzo, bestalde, mozorroak aitzakia hartuta egin zuten festa beasaindarrek. Euria aritu zuen goiz eta eguerdi partean, baina asko ez zituen horrek kokildu; benetako bareek euriarekin egin ohi duten bezala kalera irten zuten.

Hanburgesa marka ezagun bateko pailazo ugari ikus zitekeen batetik bestera, helduak zein haurrak. Eurekin zerabilten Ronald MacDonald gizontxoa ere. Tarteka geldialdiak egin eta Gabonetako zenbait kanturen doinuekin bertso batzuk kantatzen zituzten ironia kutsuarekin. Beste inoren beharrik gabe giro ederra jarri zuten tabernaz taberna.

Beste batzuek diskoteka moduko bat eraiki zuten, mugigarria. Edariak tabernetan eskatu eta kanpora ateratzen ziren eurek jarritako musikaren doinupean dantza egitera. Haiek ere euren seme-alabekin batera zebiltzan.

Beste batzuk mozorroak soinean zituztela Ardo Azokara joan eta mahatsaren zuku ederrak dastatzek aprobetxatu zuten.

Bazkaldu eta gero oraindik askoz jende gehiago zebilen kolore eta forma desberdineko mozorroak jantzi eta parrandan.

Zortzi elkarte sukaldaritza lehiaketan

Beasaingo zortzi elkartek parte hartu zuten sukaldaritza lehiaketan, San Martin plazan. Legatzik onena Usurbe elkarteak prestatu zuen epaimahaiaren iritziz, eta iberiar txerriaren masailik onenak Alfil elkarteak. Puntuazio orokorrean lehen postuan, berriz, Arrano elkartea geratu zen.

egitaraua

Beasaingo jaien barruan Ardo Azoka egin zen atzo Bareak merkatari elkarteak antolatuta; San Martin plazaren azpian 10 lekutako ardoak dastatu ahal izan ziren.

Mahatsaren zukua dastagai

e. imaz

Dastatu zuten Huescako ardo beltza 14 gradukoa eta gorputz lodikoa zela aipatu ziguten atzo Ardo Azokan zebiltzan beasaindar batzuek.

Hamar postu zeuden San Martin plaza azpian. Bertan Alicante, Bierzo, Cadiz, Dueroko Erribera, Huesca, Lanzarote, Madril, Nafarroa, Penedes eta Toledoko ardoak dasta zitezkeen. Baina ez hori bakarrik; edariak zerbitzatzearekin batera ardo bakoitzaren xehetasunen berri ere ematen zuten postuetan zeudenek.

Odolkiaren Egunean antolatu zuten lehenengo aldiz Ardo Azoka Beasainen. Tomas Bosque Basoa Banaketetako kideak jakitera eman zuenez «iazko lekua estua eta txiki samarra zen eta aurten egitekotan Udalekoei leku zabalago bat egokitzeko eskatu genien, argiztatua eta ardo bakoitza nongoa den adierazten duen panelekin apaindua. Iazkoa baina askoz txukunagoa geratu da, nahiz eta oraindik badagoen zer hobetua».

Azokaren antolatzailea Beasaingo Bareak merkatarien elkartea izan arren, upategietako arduraduna Tomas Bosque da, eta bera arduratu da haiekin harremanetan jartzeaz.

Ardo desberdinak ezagutzera ematea da helburua

Bosqueren hitzetan «hemen Arabar Errioxako ardoa edaten dugu egun berezietan. Azoka honetan, ordea, aukera desberdinak ekarri nahi izan ditugu eta ez dago Arabako ardorik». Estatu mailako azoka askotan ibiltzen da Bosque, eta mundu horretan mugitzen den jende asko ezagutzen du. Lagun batek eta berak erabaki zuten bigarren azokarako zein ardo ekarri. «Lanzaroteko ardoak, adibidez, arrakasta izaten du. Orain Tenerifeko upategiekin nago harremanetan eta ea hurrengorako ekartzeko aukera izaten dugun».

Ardo Azokaren helburua ez da ardoak saltzea, ardo desberdinak ezagutzera ematea baizik eta asmoa azoka batetik bestera aldatzen joatea da. «Hemengoa merkatu ona da, ardo asko edaten baita, baina oraindik ardo asko dira ezezagunak. Hala ere, nik uste dut hori ere aldatzen ari dela jende gazteari gauza desberdinak dastatzea gustatzen baitzaio». Horretara gonbidatu nahi du jendea: «Taberna eta jatetxeetan beti-betikoa edan ordez aldatu, leku askotan baitaude ardo onak».

Atzo bertan jarraitu zuten beasaindar askok Bosquek emandako aholkua. «Lanzaroteko ardoa oso ona dela eta dastatzeko gomendatu digu lagun batek eta horixe egin dugu», zioten irribarretsu.

 

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.