Edukira joan

Goierriko Hitza

Goierri
2008ko azaroak 20, Osteguna

Harpidetu zaitez!

I. Sega Ligako lehen jardunaldia gaur jokatuko dute Zerainen

Zerain

17:30etik aurrera nazioarteko eran lehiatuko dira 39 segalari; horietatik zortzi goierritarrak dira, 6 gizonezko eta 2 emakume.

e. imaz

Almitza Elkarteak antolatutako I. Sega Ligari Zeraingo gaurko jardunaldiarekin emango diote hasiera. Segalariek arratsaldeko bostak eta erdietan izango dute hitzordua Irukateko zelaian, Zeraindik Mutiloara doan bidearen ondoko larreetan, hain zuzen.

Guztira Euskal Herriko 39 segalarik parte hartuko dute, 29 gizonezkok eta 10 emakumezkok. Segalari horietatik zortzi goierritarrak dira: Joxe Atin (Ormaiztegi), Miel Mari Jauregi (Zaldibia), Juan Mari Agirrezabala (Lazkao), Igor Esnaola (Legorreta), Iñaki Izagirre (Zaldibia), Jexux Mari Lasa (Legorreta), Arrate Garin (Legorreta) eta Aloña Galarraga (Idiazabal).

Segalariak nazioarteko eran lehiatuko dira. Emakumezkoek 50 metro koadroko (7x7) saila ebaki beharko dute eta gizonezkoek berriz 100 metro koadrokoa (10x10).

Arauak idatziz pasatu dituzte

I. Sega Liga antolatzearekin batera, beste berrikuntza bat ere sartu dute. Miel Mari Jauregi Almitza elkarteko kideak esan duenez, aurten lehen aldiz parte hartzaileei araudia pasatu diete idatziz.

Araudiaren arabera, besteak beste, sega kolpe bakoitzean koskak uztea zigortu egingo dute. Maila batetik bestera ere ezingo da diferentziarik nabaritu edo ahalik eta gutxien nabaritu beharko da, bestela zigortu egingo baitute. Ebakitako zatian izpiak ez ikustea komeni da. Segalariaren laguntzailearen jarduna ere baloratu egingo dute eta saioa bukatutakoan segalariak ezingo du sega lurrera bota, arriskutsua izan baitaiteke.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa