Edukira joan

Goierriko Hitza

Goierri
2008ko azaroak 20, Osteguna

Harpidetu zaitez!

Turismoan berrikuntzaren alde egiteko deia egin dute

Goierri

Produkzio turistiko iraunkorra bultzatzeko zientzia eta teknologia uztartzeko sortu da CIC-Tourgune.

iñaki gurrutxaga

Turismoaren eta mugikortasunaren aparteko ezaguera sortzeko azpiegitura zientifiko-teknologiko berria da CIC-Tourgune. Eusko Jaurlaritzako Turismo Sailak bultzatutako zentro kooperatiboa da, eta Donostiako Miramongo teknologia parkean du egoitza. Orain urte eta erdi sortu zen, eta Goitur hasieratik da bertako kide.

Niko Osinalde Goiturreko kideak, Patxi Plazaola Beasaingo alkate eta Goiturreko lehendakariak, eta Aurkene Alzua gune horretako zuzendariak Goierriko hainbat turismo agenteri aurkeztu zizkieten atzo Ordizian CIC gunearen helburuak. Helburu bat nabarmena da: kudeaketa eta lan eredu integratu baten bidez, zientzia eta teknologia eremuetan abangoardia posizio bat lortzea.

Lau arlo handitan lan egin

CIC-Tourgunek lau alor handitan lan egin eta hainbat zerbitzu emango du. Bikaintasunezko ikerketa arloa landuko du, goi mailako trebakuntza eskainiko du, transferentzia teknologikoan ariko da, eta lan horrekin lortutako emaitzen ustiapena egingo du. I+G+I estrategia ardatzari jarraituko dio CIC-Tourgunek, eta oinarrizko eta aplikatutako ikerketa zentroen eta enpresa espezializatuen elkarlan sareez eraikitako paradigma integratu bat proposatzen du, kreatibitate eta ezagutzaren sorkuntzari, eta ezagutzaren asimilazio eta aplikazioari garrantzia emanez.

Lau eremutan espezialduta dago: turismoaren zientziak, produkzio turistikoa bultzatu eta kudeatzeko zientzia, berrikuntza eta teknologia, balio erantsiko zerbitzuak turistentzat, eta e-turismo arloan estrategia berriak.

 

«Gizarte aurreratu bat bezala lan egiten ikasi behar dugu orain»

aurkene alzua ð- CIC-Tourguneko zuzendari nagusia

Turismoa

Turismo joerak eta turistak berak aldatzen ari direla dio Alzuak, eta nola lehiatu pentsatzeko unea dela zehaztu du.

i. gurrutxaga



Berrikuntzak turismoaren arloan lekua baduela uste du Aurkene Alzuak (Donostia, 1963). CIC-Tourgune turismo ikerketa zentro kooperatiboa aurrera begirako lan horretan ari dela nabarmendu du.

Turismoan berrikuntza egiteko sortu duzue CIC-Tourgune.

Turismoan asko dago berritzeko. Gure sistema eraginkorragoa egin dezakegu, produktu berriak sor ditzakegu. Berrikuntza hori komunikazio ezberdina eginez lor daiteke, marketina beste modu batera eginez. Berrikuntzak badauka tokia turismoaren inguruan, asko dago egiteko.

EAEn eta Europan turismoa aldatzen ari dela diozue. Zertan oinarritzen zarete hori esateko?

Batetik, joerak ikusita. Ikusi dugu azken hamar-hamabost urteetan teknologia berriek eragin handia izan dutela turismoan. Zergatik? Turismoa informazio intentsiboa duen sektorea delako. Saltzeko garaian ere gauzak aldatu egin dira, eta bidaia txartel bat internetez lor dezakegu orain. Bigarrenik, turista bera ere aldatzen ari da, eta merkatua ere bai. Eta hirugarren, berrikuntzan oinarritutako lehiakortasun fasean sartuta gaude, eta guk eta Europak berak nola lehiatu pentsatu behar dugu.

Lehiakortasunean sakondu nahi duzue, beraz.

Asmoa ez da teknologia eta berrikuntza arloa garatzea, baizik eta garapen iraunkorra sustatzea da helburua. Kulturan, gizarte garapenean eta ekonomian bideratu nahi dugu garapen iraunkor hori. Iraunkortasun horri begiratuz, teknologiak nola lagunduko digun ikusi behar dugu.

Eta Goierri nola ikusten duzu?

Baliabideetan oinarritutako lehenengo fasea nahiko gaindituta daukala uste dut, kalitate sistemen bigarrenean ere ondo aritu da, eta orain urrats bat egin behar du aurrera. Berrikuntzan oinarritutako lehiakortasun horretan ikasi behar du orain Goierrik, gizarte aurreratu bat bezala lan egiten ikasi. Etorkizuna gure esku dagoela uste dut.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

Erakusketa

Argazki erakusketa
LEGAZPI, Kultur etxean - 2008-11-07

Ikastaroa

Sendabelarren eta preparatuen ikastaroa
ORDIZIA, Lukusin plazako Gaztelekuan - 2008-11-18

Zure inguruko ekitaldien
berri eman

Ekitaldi guztiak ikusi »

Irudietan

GABIRIA

Errezil sagarraren eguna

Errezil sagarraren eguna

Gehiago ikusi »

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa