Edukira joan

Goierriko Hitza

Goierri
2008ko azaroak 20, Osteguna

Harpidetu zaitez!

Dolarea Hotelak irabazi du enpresa ekimenen sariketa

Ekonomia

Aurten beste bi sariketa izan dira; ingurumen proiektuarena (Prodema) eta proiektu berritzailearena (Hine).

iñaki gurrutxaga

Beasaingo Igartza Multzo Historikoan lehengoratzen ari dira Dolarea etxea, eta hotela jarriko dute han. Dolarea Hotelaren kudeatzaile Iban Matek irabazi du Goiekik antolatzen duen Enpresa ekimen berrien XI. sariketa. Aurten beste bi sari ere banatu dituzte, aurrenekoz. Enpresan bertan garatutako ingurumen proiektu onenaren saria Prodema enpresak jaso du, eta enpresan bertan garatutako proiektu berritzaile onenarena Hine enpresarentzat izan da.

Dolarea Hotela eskualdeko lau izarreko aurreneko hotela izango da. Bi mila metro izango ditu; hotela, jatetxea, kafetegia eta dolarea, eraikinaren beraren kultur ondarea ezagutzera emateko. Sei mila euroko diru saria jaso du Matek.

Ekimen berrien bigarren saria Sinerlek enpresa sortu berriak jaso du. Sinergiaren bidez ekoiztutako lan elektronikoak eta kableatua ekoizten dituzte bertan, eta instalazio elektrikoen eta koadro elektrikoen muntaian oinarrituko du bere jarduera. Hiru mila euroko diru saria jaso dute.

Ingurumena lantegian bertan

Goieki Agenda 21 ekimenaren partaide denez, aurten enpresan bertan ingurumen proiektu onena garatu duen enpresarentzat sariketa antolatu du. Irabazlea Legorretako Prodema izan da. Iraunkortasun irizpideetan ziurtatutako egurra merkaturatzea da proiektuaren oinarria. Ziurtagiri horren bidez natur baliabideen «kontsumo arduratsuagoa» eta basoen «kudeaketa iraunkorra» bultzatu nahi dute. 4.000 euroko saria jaso du. Bigarren saria, bi mila eurokoa, Forjas Albisurentzat (Lazkao) izan da. Ekoizpen prozesuan sortzen zaizkien ur-oliodunak banatzeko sistema baten instalazioan oinarritzen da haien proiektua.

Hine, berrikuntzaren ikur

Berrikuntza sustatzeko Euskadi Innova ekimenaren parte ere bada Goieki, eta horregatik antolatu dute enpresan garatutako proiektu berritzailearen saria. Hine enpresak (Olaberria) jaso du 4.000 euroko saraia, energia berriztagarrien arloan aurkeztutako proiektuarengatik. Bigarrena Pizarrerias Mendizabalek (Beasain) jaso du, arbelaren aplikazioan egindako berrikuntzengatik. Hiru atalak batuta 13 proiektu aurkeztu dira.

 

«Hitz egin dugun enpresa guztien beharretara irits gaitezke»

Iban mate ð- Enpresa ekimen berrien sariketaren irabazlea

Ekonomia

Matek pozik hartu du saria, eta zehaztu du orain arte Goierrin eskaintzen ez zen zerbitzu bat eskainiko dutela.

i. gurrutxaga



Iban Mate eta Arantxa Rantxo sukaldari beasaindarrak gertu-gertutik jarraitzen ari dira Dolarea Hotelaren konpontze lanak. «Urtebete barru-edo» bertan lanean hastea espero dute. Orduan hasiko dira proiektu irabazlean aurkeztu dituzten asmoak gauzatzen.

Gustura hartuko zenuen saria. Dirua baino errekonozimendua da gehiago saria?

Pozik gaude, sariak beti gustura hartzen dira. Gure proiektuaren tamainarako 6.000 euro ezer gutxi da, baina beti laguntzen du. Errekonozimendua enpresa aldetik hartzen duzu. Prentsak hots egiten dizu, eta zure proiektua ezagutzera emateko modu bat da.

Zer suposatzen du lau izarreko hotel bat eskualdean edukitzeak?

Hitz egin dugun enpresa guztien beharretara irits gaitezke hotelarekin. Bideragarritasun plana egin genuenean nabarmendu genuen enpresen arazoa ez zela bezeroa Donostiara eramatea, baizik eta errepidea zen arazoa, N-1 errepidea. Askotan ez ziren garaiz iristen bileretara, istripuak zirela... Goierriko enpresa askori kalitateko zerbitzua eskainiko diogu.

Zer moduz doaz lanak?

Aurreko astean hasi ziren teilatuarekin. Atzeratu egin da pixka bat, egurrekin izandako arazo batzuk direla eta. Hormak-eta nahiko aurreratuta daude, eta laster lurpeko solairuan eta lehen solairuan iturginak eta elektrikariak hasiko dira lanean.

Noiz zabaltzea espero duzue?

Urtebete barru-edo irekitzea gustatuko litzaiguke.



 

sarituak



Enpresa ekimen berrien XI. sariketaz gain, beste bi sariketa antolatu dituzten aurten: enpresan garatutako ingurumen proiektu onenaren saria, eta enpresan garatutako proiektu berritzaile onenarena.

Enpresa ekimen berria

1. saria. Dolarea Hotela. 6.000 euro.

2. saria. Sinerlek. 3.000 euro.

Ingurumen proiektu onena

1. saria. Prodema. 4.000 euro.

2. saria. Forjas Albisu. 2.000 euro.

Proiektu berritzaile onena

1. saria. Hine. 4.000 euro.

2. saria. Pizarrerias Mendizabal. 2.000 euro.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa