Edukira joan

Goierriko Hitza

Goierri
2008ko azaroak 20, Osteguna

Harpidetu zaitez!

Juan Mari Olano kargurik gabe libre utzi dute, akusazioa ez delako aurkeztu

Gaintza

ðð

«Terrorismoari gorazarre» egitea leporatuta epaitu behar zuten atzo, baina akusazio partikularra ez zen epaiketara agertu.

erredakzioa

Juan Mari Olano Amnistiaren Aldeko Mugimenduko bozeramailea kargurik gabe aske utzi dute. Atzo goizean joan zen Olano Espainiako Auzitegi Nazionalera. «Terrorismoari gorazarre» egin izana leporatuta kereila jarria zion Ermuako Foroak, baina Grande Marlaska epaileak libre utzi du.

Askatasunak ohar baten bidez azaldu duenez, deklarazioa hartzerakoan Grande Marlaska epaileak iazko abuztuaren 11n Zornotzan ote zegoen eta ekitaldiaren bukaeran oihurik egon zen galdetu zion Olanori. Ez zuen deklaratu. Fiskaltzak ere ez zuen galderarik egin, eta akusazio partikularra, Ermuako Foroa, ez zen epaiketara agertu ere egin. Horrenbestez, Grande Marlaska epaileak kargurik gabe eta badaezpadako neurririk hartu gabe aske utzi zuen gaintzarra.

Askatasunak «Olanok bizi duen etengabeko jazarpena» salatu du, eta elkartasuna agertu dio AAMko bozeramaileari.

Iazko omenaldi batengatik

2007ko abuztuaren 11n Sabin Euba iheslari zenari Zornotzan (Bizkaia) egindako omenaldian parte hartu zuen Olanok. Espainiako Auzitegi Nazionalaren aginduz Herrizaingo Sailak debekatu egin zuen ekitaldia, baina antolatzaileek eta Ertzaintzak 20 minutuko elkarretaratzea egitea adostu zuten. Haren bukaeran Olanok hitza hartu eta «amnistia eta autodeterminazioa lortu arte euskal gatazkakkonponbiderik ez» zuela izango adierazi zuen.

Horren aurrean Ermuako Foroak «terrorismoari gorazarre» egitea leporatu eta Olanoren kontrako kereila jarri zuen Espainiako Auzitegi Nazionalean.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa