Edukira joan

Goierriko Hitza

Goierri
2008ko azaroak 20, Osteguna

Harpidetu zaitez!

Zinemaz bustitako gauak

Legorreta

Sustraiez Blai jaialdiaren atarian, herrialde banatako lau filmez osatutako zikloa antolatu dute Legorretan.

arkaitz apalategi

Ekainaren 28an ospatuko da Sustraiez Blai jaialdia Legorretako Harripila kiroldegian. Urtero bezala Euskal Herriko eta munduko musiken topagune izango da jaialdia, eta besteak beste Fun Da Mental, Fanfare Vagabontu eta Gose taldeek parte hartuko dute. Musika jaialdiaren aurretik, ordea, zinema emanaldiekin berotuko dute giroa Legorretan.

Zinemaz Blai izena jarri diote ekainerako antolatu duten emanaldi sortari. Guztira lau pelikula emango dituzte, Euskal Herriko zein atzerriko ekoizpenak uztartuz. Film horien bidez jaialdiaren espiritu eta helburu berberak jorratu nahi dituzte antolatzaileek; hala, munduko errealitate eta kultura desberdinak gerturatzen saiatuko dira lau emanaldietan.

Zinemaz Blai zikloko film guztiak ekaineko ostegun gauetan eskainiko dituzte. Proiekzioak Legorretako Herri Zineman izango dira, gaueko 21:00etan hasita. Sarrera, berriz, doan izango da emanaldi guztietan.

Lau film, lau errealitate

Zinemaz Blai ziklorako antolatu dituzten lau filmetako bakoitzak bere herrialdeko errealitate bat erakusten du. Denak ere gai sozialetan oinarritzen dira, eta besteak beste lan gatazkak, gerra egoerak, pobrezia edota maitasunaren gaiak lantzen dituzte.

Aurreneko filma Euskal Herrian eta euskaraz egindako azken ekoizpenetako bat da. Alberto J. Gorritibereak zuzendu zuen Eutsi! filma, eta joan zen urtean Euskal Herri osoan ikusi ahal izan zen. Lan gatazka baten ondorioz kalean gelditzeko arriskuan dauden bi lagunek Frantziako Tourrera eramango dute euren protesta, kazetari gazte batek lagunduta. Baina bertako gaiak ez ezik, beste herrialde batzuetako errealitatea ere erakutsi nahi dute. Emir Kusturica zinemagile ezagunaren eskutik, Serbiako gizarte desorekak azalduko dituzte. Bahman Ghobadik, berriz, Kurdistango egoera azalduko du, musikari talde baten begietatik. Azkenik, Tony Gatlifek Errumaniara doan frantziar baten historia irudikatuko du.



 


zinemaz blai 2008



Titulua. 'Eutsi!'

Zuzendaria. Alberto J. Gorritiberea (Euskal Herria, 2007).

Noiz. Ekainak 5, 21:00etan.

Sinopsia. Lan arazoak direla eta, bi lagunek Frantziako Tour-era eramango dute euren protesta, kazetari batek lagunduta.







Titulua. Gato negro, gato blanco.

Zuzendaria. Emir Kusturica (Frantzia-Alemania-Serbia 1998).

Noiz. Ekainak 12, 21:00etan.

Sinopsia. Eraikuntzako nagusi baten semeak, dirua eskatuko dio aitaren laguna den ijito aberats bati, lapurreta bat prestatzeko.



 




Titulua. 'Media luna'.

Zuzendaria. Bahman Ghobadi (Iran-Irak-Aus.-Fra. 2006).

Noiz. Ekainak 19, 21:00etan.

Sinopsia. Mamo musikari zaharrak, bere hamar seme musikariak bildu eta Kurdistan herrialdean jotzeko baimena lortu dute.







Titulua. 'Transylvania'.

Zuzendaria. Tony Gatlif (Frantzia, 2006).

Noiz. Ekainak 26, 21:00etan.

Sinopsia. Zingarina, Marie lagunarekin batera, Transylvaniara joango da, Parisen galdutako maitalearen bila.



 


 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

 

Lege Informazioa