Goierriko Hitza

Irailaren 13an eta 14an jokatuko da Goierriko Txirrindulari Itzulia, aurtengoa hogeita zazpigarren aldia. Uztailean Goierri Kirol Elkarteko lehendakari Javier Garcia de Andoinek GOIERRIKO HITZAri adierazitakoaren arabera, «gauzak asko aldatzen ez» baziren Goierriko Itzulia ezin izango zutela antolatu iragarri zuen. Bertan behera geratuko zela zirudienean gauzak aldatu egin dira ordea, eta Gipuzkoako Txirrindularitza Federazioak hartu du Goierriko Itzulia antolatzeko ardura.

Itzuliaren diru-gastuak txikitu egingo dira, Federazioak bestelako itzulia antolatuko duelako. Alde batetik kategoria jaitsi diote; aurtengoa challenge erakoa izango da. Hiru eguneko itzulia izan ordez bi egun iraungo du. Gainera, txirrindulariak eta epaileak gipuzkoarrak izango direnez Goierriko Itzulia antolatzeko azpiegitura gutxiago beharko dute, eta ondorioz gastuak ere txikiagoak izango dira. «Guk aurreikusitako beharren arabera aurrekontua 50.000 eurokoa zen, eta Federazioak antolatuko duen moduan aurrekontua 18.000 euroan gelditu da», dio Garcia de Andoinek.

Boluntarioen beharra

Guztira hogei talde izango dira Goierriko Itzulian, hamar txirrindulari talde bakoitzeko. Bulego iraunkorra Zumarragan ipiniko dute lehenengo egunean, Urretxun egun horretan Txalaparta Eguna ospatuko dutelako. Bigarren etaparako Urretxuko kultur etxean ipiniko dute, ohi bezala.

Gipuzkoako Federazioak bere gain hartu ditu kudeaketa lanak, taldeak lortzea barne. Goierri elkarteak tokian tokiko antolaketa egingo du, hau da, bidegurutzeetako seinaleak ipini edota kartelak jarri. Laguntzeko prest daudenak elkartera joan daitezke izena emateko datozen egunotan.

Zenbakia

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.