Edukira joan

Goierriko Hitza

Goierri
2009ko uztailak 4, Larunbata

Harpidetu zaitez!

Fabrizio Ferrari uruguaiarrak Itzulia irabazteko hautagaitza aurkeztu du

Goierriko Itzulia

Jaun eta jabe izan da Azpiru-Ugarte taldeko Ferrari lehen etapan; bizitasuna eta tropel jendetsua aipagarri.

aimar maiz

Azpiru-Ugarte talde nafarreko Fabrizio Ferrarik jantzi du Goierriko Itzulian elastiko horia, atzo Zumarragan hasi eta bukatu zen etapa goitik behera menderatu ondoren. Egundoko abiaduran korritu zen 104 kilometroko lehen etapa (lehenengo orduan 49 km/h-ko bataz bestekoa), eta ordua baino 10 minutu lehenago iritsi zen Ferrari Zumarragako Euskadi plazako helmugara, segundo batzuetako errenta lortuz. Hector Espasandin (Caja Rural) sartu da atzetik, tropeltxoari denbora emanez, bigarren; hirugarren iazko garailea, Angel Madrazo (Scott-American). Garikoitz Bravo lazkaotarra (Azpiru-Ugarte) laugarren sailkatu da, eliteko eta 23 urtepeko mailan ere goi-goian segitzeko gai dela erakutsiz, beste behin.

Arratsaldeko 15:30ean puntuan hasi zen Goierriko Txirrindulari Itzuliaren 27. ekitaldia Zumarragako plazan. Mikel Serrano alkateak zinta moztu, ohorezko aurreskua egin, eta tropel handia (164 txirrindulari irten ziren) Legazpirantz abiatu zen. Batere zailtasunik gabeko 75 kilometro aidean egin ondoren, Mandubiako maldetan hasi zen Ferrari lehen kolpeak jotzen. Tropela han saretu da, baina beherakoan bateratu da.

Zumarragako marraren bila, Eitzagan joan da aurrera uruguaiarra, eta han bai, arerioak atzean utzi eta gaurko etapan balio handia izan dezaketen segundoak urratu zituen. Tropeleko inork ezin izan zuen Eitzagan gora Ferrariren kemena berdindu.

Aurten antolatzeko kili-kolo ibili den Goierriko Itzulian azkenean partaidetza oparoa eta kalitatezkoa bildu da. 19 taldetako 164 txirrindulari elkartu dira; 140 inguruk bukatu dute etapa, baina gaur denek dute berriz irteteko eskubidea.

Etapa eta sailkapen orokorreko lehen elastiko horia lortzeaz gain, erregularitate eta mendiko sarietan ere Ferrari jarri da aurrena.



 


gaurko etapa: urretxu-s. barbara (110,7 km)



Urretxuko Labeaga kaletik abiatuko dira gaur tropeleko txirrindulari guztiak, goizeko 09:15ean. Atzoko etaparen antzekoa izango dute luzean, baina mendate gehiagorekin: Eitzaga (3. mailakoa), Santa Barbara (bitan igo beharko dute, 2. mailakoa) eta Atagoiti (Gabiria aldetik, 2. mailakoa) igaro beharko dituzte.

Etaparen lehen zatia azkarra izatea espero da, gaurkoaren perfil oso antzekoa baitu. Irten eta berehala Legazpitik itzulia egin ondoren guztia beherantz dute, Alegia jo arte. Azkeneko 40 kilometroetan igo beharko dituzte lau mendateak. Itzulia osatzen duten bi etapetan zatirik latzena bukaerarako edukiko dute, beraz, hor ikusiko da faboritoen indarrak nola dauden. Behin betiko galbahea pasatuko duena Santa Barbara da, ordea, goian kokatuko baitute helmuga. Eguerdia aurretxoan bukatzea aurreikusi dute antolatzaileek.

Goierriko 27. Txirrindulari Itzuli hau 'challenge' eran egingo denez, atzo bukatu ez zuten kirolariek, edota kontroletik kanpora iritsi zirenek ere parte hartzeko aukera izango dute. Hori bai, azkeneko sailkapenerako ez zaie kontuan hartuko denbora; baina etaparen garaipena lehiatzeko eskubidea izango dute.







 

ordutegia



Urretxu (irteera). 09:15.

Legazpi (4. km). 09:20.

Urretxu (13). 09:33.

Ormaiztegi (23,2). 09:48.

Itsasondo (34,5). 10:04.

Legorreta (37,3). 10:08.

Alegia (43,3). 10:17.

Legorreta (52,2). 10:29.

Itsasondo (55). 10:33.

Ormaiztegi (65,7). 10:49.

Eitzaga (72,5). 10:58.

Santa Barbara (77,6). 11:06.

Ormaiztegi (87,9). 11:21.

Atagoiti gaina (95,9). 11:32.

Legazpi (100,9). 11:39.

Urretxu (107,7). 11:49.

Santa Barbara (helmuga, 110,7). 11:53.



 

sailkapena





Goierriko 27. Itzulia

1. Etapa eta sailkapen nagusia

1. Fabrizio Ferrari (Azpiru)

2. Hector Espasandin (C.Rural)

3. Angel Madrazo (Scott)

4. Joseba Larralde (Bidelan)

5. Garikoitz Bravo (Azpiru)

6. Garikoitz Zabaleta (Bidelan)

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.

Lege Informazioa